VISITA DO ESCRITOR E ACTIVISTA XABIER DOMÍNGUEZ

O xoves pasado, 23 de novembro, tivemos no noso cole unha agradable visita: Xabier Domínguez Pérez, unha persoa referende para todos nós. Xabi é antigo alumno deste colexio, antigo alumno de prácticas de maxisterio no noso centro, escritor e activista nunha Asociación chamada MEU REI que se centra na axuda á INFANCIA.
Xabier, falounos un pouco do seu conto "A SUPERAVOA DE ANTÓN".

 Ademáis disto, contounos a importante labor que está a facer MEU REI, axudando aos nen@s en diferentes países do mundo como : Camboia, Colombia,... Ó ano pasado, Xabi animou ó noso centro a participar nunha campaña de recollida de tapóns e aproveitou esta visita para explicarnos que é o que se fai con eles. Os nosos alumn@s desfrutaron da charla de Xabi e moi ledos, axudáronlle a cargar no coche todos os tapóns recollidos, convertíndose en pequenos activistas.
Moitas grazas Xabi!! e Noraboa pola túa labor!

XORNADAS DE BIBLIOTECAS ESCOLARES

OLA AMIG@S: Esta fin de semana, o noso centro participa nas Xornadas de Bibliotecas Escolares. Cita anual do grande colectivo do profesorado que traballa a diario nas biblitecas escolares. Toda unha experiencia de encontro, participación e aprendizaxe.

O noso centro participará na exposición do Proxecto de escornabots na biblioteca co título: Biblioteca e Robótica nunha escola rural.

RECREO ESCORNABÓTICO

Hoxe, os máis pequenos do cole, puideron desfrutar e aprender cos escornabots na Biblioteca da Araña Maraña. Grazas á implicación das nosas encargadas, organizamos un Recreo escornabótico con diferentes recantos polos que se moveron os escornabots á orden dos máis pequenos. Traballaron  o conto A que sabe a lúa, repasamos os nomes das froitas, así como o nome de diferentes alimentos, tamén repasamos números, contamos,... e os maiores do grupo, participaron na plantilla de triángulos.
 Aquí tedes a mostra do ben co pasaron...

MAN ROBÓTICA

O noso recuncho maker non deixa de argallar. Este martes, tivemos a oportunidade de elaborar unha MAN ROBÓTICA. Para comezar, miramos e falamos das nosas mans, observamos por que os dedos poden doblarse, cómo agarramos as cousas,... falamos das falanxes dos dedos, contámolas e coñecimos a funcións dos tendóns. Toda unha aprendizaxe para os máis pequenos!
Se te animas a facela, segue os seguintes pasos:

- MATERIAL NECESARIO: 5 PALLIÑAS, TESOIRAS, CORDÓN, ROTULADOR E CELO.

- PASO 1: Collemos 4 palliñas estiradas e unímolas por debaixo de onde doblan. Despois, colocamos ó lado esquerdo destas, unha quinta palliña que será o pulgar. Ésta terá que doblar  e atravesar o resto dos dedos.
O resultado será o seguinte:

PASO 2: Unha vez que temos todas as palliñas xuntas, unímola ó noso pulso para tomar as medidas das falanxes e o longo dos nosos dedos.

PASO 3: Recortamos pola marca do longo dos nosos dedos. Para o corte das falanxes, hai que estar moi atentos: hai que doblar a palliña pola marca, pero de lado. Unha vez doblada, cortamos a punta. O resultado debe ser o seguinte:

 PASO 4: Introducimos por cada palliña, un cordón. Cando o teñamos no extremos, hai que facerlle un nudo, e pegalo ben á pallliña cun celo, para que quede ben seguro.

RESULTADO FINAL:

A experiencia está inspirada no visionado do seguinte enlace: https://www.youtube.com/watch?v=3tsWD-8pEBg

RADIO NA NOSA BIBLIO

BOAS NOTICIAS AMIG@S: 

O  noso centro está entre os vinte que foron selecionados para a creación  dun laboratorio de radio escolar na nosa biblioteca.

RADIO NA BIBLIO é un proxecto  que pretende contribuír á creación de emisoras/laboratorio de radio no contexto das bibliotecas. Será unha experiencia máis que enriquecerá a aprendizaxe d@s nos@s alumn@s en moitos aspectos: a lectura, a expresión oral, a alfabetización múltiple, ...e unha chea de vivenzas.

Se queres ler máis da noticia, pincha no seguinte enlace:Radio na biblio

MONTAXE DUN ROBOT NO NOSO RECUNCHO MAKER

A semana pasada aproveitamos a noso recuncho maker para montar un novo robot: MBOT.
O noso centro participa nun novo Proxecto de Innovación, para introducir a robótica educativa en Primaria.
Os alumnos de 4º,5º e 6º de E. Primaria, seguindo as instrucións na súa tablet e con pouca máis axuda das profes, montaron o robot. Noraboa amigos, unha boa experiencia!!

Plantilla de Triángulos

Hoxe, na nosa biblioteca da Araña Maraña, experimentamos co escornabot nunha plantilla de triángulos. Con dous dados, un dado indicando unha forma e outro dado, indicando a cor, os nosos alumnos tiveron que pensar cómo podían desprazarse co escornabot pola plantilla triangular e chegar á figura que indicaban os dados.
Para realizar esta actividade, tivemos que modificar os comandos no Arduino. O noso escornabot amarelo, da un xiro de 60º e camiña 15 cm. Todo un reto!!!

A plantilla está baixada da escornawiki. Descargámola e a imprimímola en 12 folios A4. A continuación, fixemos a montaxe.

Moitas grazas profe Eva!!

Inglés e escornabots

Os alumnos de 1º,2º e 3º de primaria, tamén aprenden inglés coa axuda dos escornabots:

PROXECTO MAKER, Plastilina condutora

Mentres o noso alumnado de 5º e 6º de primaria está desfrutando da semana STEM ( Sciencie, Technology, Engineering, Mathematics) en Mondariz, o resto de alumnado participaron nun proxecto maker na biblioteca: Robot feito con Plastilina condutora .

Elaboramos a plastilina con axuda dos alumnos de 3º e 4º de primaria, para esta actividade empregamos a aula de xogos. Unha vez feita a plastilina, dirímonos á nosa Roboteca para completar a nosa experiencia maker. 

Os pequenos de primaria,tamén comprobaron cómo a plastilina é capaz de conducir enerxía e encender unha luz.

A experiencia está inspirada no visionado do seguinte enlace: https://www.youtube.com/watch?v=CW3RjOU24mM

O RECUNCHO DA ROBOTECA

A continuación vos mostramos a nosa Roboteca con máis detallle...un novo espazo na biblioteca para crear e aprender!

Escornabots en E. Infantil

Os pequenos do cole tamén desfrutan e aprenden cos escornabots na nosa Biblioteca:

SAMAÍN: OS MONSTROS TAMÉN VAN Á ESCOLA

Para Samaín, os alumnos e alumnas do CEIP-P. Vilar de Barrio, prepararon un pequeno corto para dar algo de medo e moita risa...

Desexamos que vos guste!

Programa ó teu colega

A semana pasada realizamos unha actividade de programación "desenchufada". Seguindo a proposta que nos fixeron desde curso de escornabots, intentamos enseñarlle ós nosos pequenos, os fundamentos da programación dun xeito físico, sen robots e sen ordenadores; mais ben,  convertímolos a eles en robots e programadores. A idea orixinal é de Dr. Techniko, que consiste en facer que os nenos empreguen e  creen linguaxes de programación sen usar máis que un papel, lápis e un espazo para moverse con diferentes obxectos.


Os nen@s pasárono moi ben. Aquí tedes un resumo:

Móvete pola Biblioteca, Xogando e pensando cos escornabots

Para esta actividade creamos un mapa da nosa biblioteca, e plantexamos unha serie de retos para que os nosos alumnos descifraran a través duns códigos QR. Os retos consistían en mover o escornabot nun plano da biblioteca, a través do cal tiñan que saber interpretar e recoñecer os diferentes recantos. Cada membro do grupo asumiu diferentes roles: descifrar o código QR, interpretar o que nos pide, pensar que itinerario imos a empregar e dar as instrucións ó escornabot para que se mova polo espazo. 

Aproveitamos o Día das bibliotecas e a inauguración da ROBOTECA para poñelo en práctica. Foi todo un éxito. A continuación o podedes comprobar:

DÍA DAS BIBLIOTECAS

Este martes, 24 de outubro, celebramos o Día das Bibliotecas no noso cole.

Aproveitamos a ocasión para inaugurar o novo recuncho"maker" a ROBOTECA e facer unha actividade moi chula cos nosos escornabots "Móvete pola nosa biblioteca".

As nosas encargadas, recordáronnos as normas a modo de RAP e rematamos a xornada repartindo as nosas Mochilas Viaxeiras. 

A continuación tedes un pequeno resumo.

MOCHILAS VIAXEIRAS

Aprender a pensar coa Biblioteca Escolar

"Aprender a pensar coa biblioteca escolar" é o lema escollido para o cartel que se edita este curso 2017-18, para as bibliotecas escolares de Galicia.

Todo o claustro de este cole entende que a biblioteca é un recurso ACTIVO e RENOVADO que facilita a construción do coñecemento,   recurso IMPRESCINDIBLE para a formación do noso alumnado nunha sociedade da información que demanda cidadáns dotados de destrezas para a consulta eficaz das distintas fontes informativas e para a construción autónoma do coñecemento.

 Día a día intentamos que a nosa Biblioteca sexa un organismo vivo, activo e con capacidade de mutación, incorporando as Tecnoloxías Emerxentes, onde ten cabida o impreso e o dixital.

O obxectivo é aprender a pensar a través dos contos, das lendas, dos libros de ficción, da prensa, da música, do cine, da programción, do diálogo, da convivencia…para todo elo, a nosa biblioteca convértese nun espazo imprescindible no noso centro onde cada curso  “acontecen máis cousas, ou polo menos mellores cousas”.

FELICES VACACIÓNS PATA TOD@S!!

A ARAÑA MARAÑA DESÉXAVOS FELICES VACACIÓNS E VOS ESPERA

 CON MOITAS SORPRESAS E

MOITAS LECTURAS 

PARA O VINDEIRO CURSO.

RECORDA!!!

Se queres aventura, lánzate á lectura!

VÍDEO DE MONTAXE DUN ESCORNABOT

A Araña Maraña non se podía ir de vacacións sen presentarvos este traballiño feito polos alumn@s do noso centro. A continuación podedes ver cómo os alumnos e alumnas de 4º, 5º e 6º de E. Primaria nos explican e montan un escornabot.
Estupendo traballo amig@s!

VÍDEO DA SOLDADURA DA PLACA

VÍDEO DA MONTAXE DAS PEZAS E CABLES

ESCORNABOTS EN MOVEMENTO

TITORIAL ESCORNABOT

Powered by Issuu

Publish for Free

Cuestionario de valoración da Biblioteca

Xa podes valorar a nosa Biblioteca: 

A túa opinión tamén conta!

NAVEGANDO POLA REDE

Recordamos os consellos para Navegar pola rede de forma segura:

HOMENAXE A CARLOS CASARES

Este curso profes e alumnos adicamos moito tempo en coñecer e desfrutar as obras de Carlos Casares Mouriño, autor homenaxeado nas Letras Galegas 2017. 

Aquí están algunhas das actividades realizadas:

TELEXORNAL CARLOS CASARES

Os alumnos de 6º de primaria, convértense nuns reporteiros e nos relatan

 as "Novas de Carlos Casares e a súa Galiña Azul"

Pincha na seguinte ligazón: https://youtu.be/edTXhgN-S8o

Obra de teatro: A GALIÑA AZUL( alumnos de 5º e 6º de E. Primaria)

A profe de plástica, xunto cos alumnos de 1º,2º e 3º de primaria, fixeron esta montaxe.

Os maiores, deseñaron as súas "Galiñas Azuis"

Desfrutamos da función "A MAXIA DE CARLOS CASARES", convidados pola Biblioteca Municipal do noso concello, Vilar de Barrio.

O día 18 de maio, adicamos a XOGAR con CARLOS CASARES. O alumnado de todo o colexio participou nun circuito de xogos-obradoiros relacionados co autor. Desde a lectura dos seus contos, pasando por un xogo elaborado con SCRATCH, outro recuncho de ESCORNABOT, deseño de caricaturas do autor homenaxeado e creación da "formiga esquiadora", protagonista dun dos seus contos. Tamén fixemos parte da U.D. que mandou a Consellería, coa utilización de tablets. 

Se queres ver máis, visita os enlaces da páxina do cole: 

http://www.edu.xunta.gal/centros/ceipvilarbarrio/node/412

http://www.edu.xunta.gal/centros/ceipvilarbarrio/node/411

http://www.edu.xunta.gal/centros/ceipvilarbarrio/node/410

http://www.edu.xunta.gal/centros/ceipvilarbarrio/node/409

http://www.edu.xunta.gal/centros/ceipvilarbarrio/node/408